الى عقيله الطالبيين .. لبوة حيدر الفاطميه .. زينب
حسيت ابالم من اذكرت عاشور
وفز كلبي ابحرارة جمرة احزانه
وسافر ناضري لرض الطفوف وشاف
بنيان الرساله انهدت اركانه
وطفت برض الطفوف ابشوغة الملهوف
ادور علبدور الغابت اهنانه
ولن بين الجثث شاهدت ومضة نور
لبوة فــــــاطمه...وبالدمع غركانه
*** *** ***
يم جسم ابن ابوهه اتودعه ابدمعات
احر من سيل نار ابسفح بركانه
وتكل للباري اقبل مني هلقربان
دينك راد فدوه... وهذا قربانه
ياربي تقبل مني هلمذبوح
البي دينه استغاث... وكله هذا انه
والكل للسيوف اخذيني صوب الموت
ولمن بهت دينك رجع الوانه
*** *** ***
دينك بي يزيد اتحكم وهيهات
شارب للخمر ينّصب سلطانه
هذا ابن الطليق وليله كله امجون
بصناف الفواحش ترس ديوانه
هذا ابن الشهيره ابراية الحمراء
الجبد الحمزه نّبت لحم بنيانه
هذه ابن ابن ابو سفيان راس الجور
البلسر والعلن كل وكته عادانه
*** *** ***
ما انساهه يوم الوكفت اعله التل
تنده يا حـسيـــــــــن...وهيه عطشانه
وتنده بطل خيبر ..يا علي الكرار
شوف الدهر عكبك ... وين ودانه
شوف الدنيه بويه امن ارحلت جم سيف
حدت بي تحز للدين عمدانه
يا باب المدينه ... الكوم ما ناسيك
ثارات الحروب اتصفت اويانه
*** *** ***
ما انساهه لمن خاطبت عباس
درب المشرعه دليني عنوانه
يا عباس اختك انه واترجاك
يلوجهك كمر عالدرب دلانه
ردني للمدينه مثل ما مناك
جبتني الكربله وسرجك عله احصانه
ايتام او ارامل بس علي السجاد
عدهه وبالمرض والقيد قضبانه
*** *** ***
ردني لدار امي فاطمه الزهراء
اريد الدار همهه انجدد احزانه
ردني الكبر جدي المصطفى المختار
اريد اشرحله ضلم الشمر واعوانه
الموده اجر الرساله او احنه هل قرباك
ليش ابحقد اعمى السلف جازانه
ليش الشين زين ابهالزمان ايصير
ودينك حيف ليش انهجر قرانه