[عاشقة_السيد_القبانجي]

سبع القنطرة
للشاعر : مقداد الهمداني

ليش طايح يا عضيدي على الثرى آه يا سبع القنطرة
قوم صد لخيامك المتوجرة آه يا سبع القنطرة

حين أبو فاضل و عنوان الشيم
طاح من سرج المهر ويه العلم
صاح أدركني يا بن سيد الأمم
سمع صوته حسين من يم الخيم
قصد ليه و شاهده على المشرعة و الجفوف مقطعة
نادى يا عباس و المدمع جرى آه يا سبع القنطرة

ليش طايح يا عضيدي على الثرى آه يا سبع القنطرة
قوم صد لخيامك المتوجرة آه يا سبع القنطرة

منته يا خويه الجبت هذا الظعن
بجلالة و هيبة من أرض الوطن
شيمتك ترضى الحرم تبقى بمحن
عقب عينك يا خويه بين أهل الفتن
قوم و انظر حال زينب يا شهم و إنت بيها ملتزم
أصبحت بين الأعادي محيرة آه يا سبع القنطرة

ليش طايح يا عضيدي على الثرى آه يا سبع القنطرة
قوم صد لخيامك المتوجرة آه يا سبع القنطرة

منفضخ راسك بعمود الحديد
منهو صوب عينك بغدرة يزيد
رحت عني بعد مالي كل عضيد
يا ابن أبويه العيشة عقبك ما تفيد
منهو قص جفوفك بطف كربله يا شبل عقد الولى
انكسر ظهري و تدري اشكسره آه يا سبع القنطرة

ليش طايح يا عضيدي على الثرى آه يا سبع القنطرة
قوم صد لخيامك المتوجرة آه يا سبع القنطرة

هاي سكنة تنادي عمي من طلع
راح ليه يجيب ماي و ما رجع
أظن ما تدري جسمك من وقع
عالنهر و قليبي لمصابه انفجع
زينب تنادي يا راعي المرجلة يا جفيل العايلة
ما نريد الماي شاهد بالجرى آه يا سبع القنطرة

ليش طايح يا عضيدي على الثرى آه يا سبع القنطرة
قوم صد لخيامك المتوجرة آه يا سبع القنطرة

صاح أبو اليمة و مهجته مروعة
جيف أخلي جسمك على المشرعة
و ارد لخيامي و قلبي اش يهجعه
و بعد شيصبرني ابـ هالفاجعة
صاح أبو السجاد يا زينب بعد
ما إلج بالطف ضمن
سمعت و صاحت يا ضنوة حيدرة آه يا سبع القنطرة

ليش طايح يا عضيدي على الثرى آه يا سبع القنطرة
قوم صد لخيامك المتوجرة آه يا سبع القنطرة