[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

أهـــــــلاً بأفــــــواج إلمشّايـــــــــه
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
أهلاً بافواج المشّايه == يَمْنَه إتْفَضْلوا ياطيبين
أهلاً بيكم يلبعتوها == دنياكم من اجل إحسين
أهلاً بيكم كل خطوه إلكم == تحيي الذكرى إو تحيي الدين
اهلاً بيكم يم إخوتكم == إحنه إلملقاكم تانين
أهلاً بيكم وبْجَيّتكُم == يحباب الزهره الماشين
أهلا بيكم ينظر إلكم == مهديكم وإتهل العين
أهلاً بيكم مُروا إعلينه == ولملقاكم متلهفين
أهلاً بيكم يا شيعتها == زهرة هادينه أم إحسين
أهلاً بيكم وي خطوتكم == تمشي الزهرة إو بيها البين
أهلاً بيكم تكتب إسمه == كل زاير قاصد مرتين
مره إلأجل الروح إلقصدت == والأخرى إلأجل الرجلين
أهلاً بيكم رفعوا الرايه == للعالي إو غيضوا الباغين
أهلاً بيكم واسوا الحُره == زينب ذكروها الكفين
أهلاً بيكم واسوا المُنْذر == صلوا إعلى الهادي إبكل حين
أهلاً بيكم صلوا إعلى أهله == أوفوا إلأحمد هذا الدين
ــــــــــــــــــــــــــــــــــــــــــــــــــ ــــــــــــــــــــ
مع تحيات شاعر أهل البيت // جابر النجفي
يمكنكم سماع طور القصيدة بصوت الرادود //محمد الأمير
على الرابط التالي :
htt://www.wlidk.net/dldUWk46816.mp3.htmlp