[مُحب شهيد المحراب]

اللهم صل على محمد وآل محمد وعجل فرجهم

هذه الكلمات بقلمي ، وقد ترددت كثيراً قبل أن أضعها تجنباً للتعليقات أو الإنتقادات مع أنني دائماً ما أقول ( لست شاعر ) ولكن أعامل معاملة الشاعر ، هي كلمات جاءت في مخيلتي وأحببت أن أسطرها وأضعها وطبعاً ليس كل ما أكتبه أنشره فيوجد لدي ما أحتفظ به ، وبعد أن عرضت الأبيات على ابن العم العزيز ( نبض العراق ) وقام بمساعدتي أحببت أن أضعها بين أيديكم وإن شاء الله تحوز على رضاكم . . .

الابيات هي مقارنة بين سيدنا يوسف عليه السلام والعراق وقد وجدت أن العراق هو يوسف تماماً

اذا اقره سورة يوسف بالقرآن ** أشوف العراق هو يوسف بعيونه

ولأن الله يحبه وبيه جمال الكون ** غارو اخوته منه وابير ذبونه

ثمن اسنين بالبير الوحدنا انصيح ** او ماسمعوا لأن أصلاً نسونه

وطلعنا بمعجزة قلنا بلكي نرتاح ** تعبنه من الحروب البيهه دمرونه

وللاسف صرنا للبيع معروضين ** اوسفة من اشتروا ابرخص باعونه

يوسف زليخة السجنته وهذا معروف ** واحنا همين وياه بالسجن خلونه

كالوا نحبكم حب زليخة بالمقياس ** ورادوا جذب من السجن يطلعونه

مثل يوسف طلعنـا بعزم مو خوف ** وهمه كل ظنهم انتهى ومايرد لونه

حقدوا حقد ما شاف يوسف فد يوم ** لأن حتى اخوته ما رادوا يفجرونـه

واحنا اخوتنه عودك انكول ** ويا اخوة بقت واحنا بالبيت نسفونـــه

يوسف مرن عليه سبعه شداد ** والعراق من سبعه وهمه يحرقونـــه

يعني الفرق كلولي وين ايصير؟؟ ** أنا اكللكم والحل عندي تلكونــه

أول سبعه يوسف من زرع خلاه ** والعراق من أول سبعه وهمه يحصدونه

وبالأخير يوسف هو الملك صار ** وسجدوا اخوته اله ورغماً يقدسونه

ويا عراق أنت الملك باجر تصير ** ويسجدولك رغم وروسهم مدفونه

تمت 16/05/2010

بإنتظار آرائكم .