[مسار العراقي]

سلام عليكم
مو طبعي اكتب شعر بس حبيت اشارك ولو بشيء قليل واسد فراغ هاى مشاركة بسيطة وعل الله تعجبكم واذا ما تعجبكم كولولي ما ازعل

ايكول اكتب


حجي امصفط لو خرابيط
للبشر لو ألّمة زعاطيط
حجي اونمدح ارجال
أونصعّدهم للجبال
من تلاكيهم وبالكعدة عقال
بس للاسف أقلوب أطفال
حجي امصفط لاجل ناس
لا وفة ولا خوة واحساس
اوربك ولا واحد عل الراس
وحق الله والعباس
ايكول اكتب
عليمن على الحيطان أكتب
لو عل الاوراق اكتب
واذا اكتب ترة اكذب
لان الينكتب مفروض
وتراها ابجسم مرضوض
واذا صح الحجي
مجبور اكتب
واذا اتشوفه هالمكتوب
كلام اويعجب المحبوب
تراهم للعقل مغلوب
ترة امصفط ومقلوب
ايكول اكتب
لاخوتك وطفروا بليل
لصديق وامسويك ذيل
لو حبيب ومليان تعليل
ايكول اكتب ترة مابيا حيل
اذا اكتب صدك اكتب
عليمن لو تسل
واختصرلك هالجمل
عل الخالق والاكوان
عل الرحمة والاحسان
عل الكعبة والقران
عل العترة والبرهان
عل المؤمن والايمان
او على المظلوم اكتب
او عل الايتام اكتب
او عل المهموم اكتب
او عل المحتاج اكتب
او على كلمن يتساهل اكتب

واذا غير هالموجود اكذب
وترانى اكذب
ولا اتكول اكتب



مسار العراقي

هذا الموجود عندي

تحياتى لكم