[عاشقة الاعلى]

يالمهدي طالت غيبتك بدموع صاحت شيعتك

*****************
يالبيك معكود الامل يبن الولي خير العمل
خافن يداهمنه الاجل ومانحضه خاف بشوفتك

****************
نشكيلك هموم او محن يالمنتظر يبن الحسن
بعدك كصه ويانه الزمن ماندري ليمت جيتك

***************
ثاراتك علينه تهب لاتنحصي ولاتنحسب
شيعتك تبجي اوتنتحب عالنار تنظر هدتك

**************
ثار الزجيه فاطمه والحسن وي حامي الحمه
والذاب جبده من الضمه مو وحده بس مصيبتك

**************
عاشور رد نفس الالم وعلى النهر مطروح العلم
والنار شبت بالخيم ومسبيه راحت عيلتك

*************
على الشيعه سهام انرمت واطفال كثره تيتمت
وقبة الهادي اتهدمت حاجينه ليمت طلعتك

************
يبن الحسن ضاك الصدر ومل منه مولانه الصبر
حد ليمته نظل ننتظر كوم النه ورفع رايتك