[رحيم الحسناوي]

دموم وجاريه ابو فاضل سواهه

وجيم وي حافر المهره سواهه

العضيد الكلفه ما يطلب سواهه

ابن كرار ليث الغاضريه




بعد عينك عسه النيبه تردني

جيوش يزيد مسبيه تردني

هم تكدر يبو فاضل تردني

لو طاح الحمل يبن الزجيه





زينب فكد ابو الغيره يلمهه

اجساد مطبره ومحد يلمهه

على الوننات ياهو اللي يلمهه

يسيره بلا ولي وعد ال اميه







جرعت سموم هالدنيه ومرهه

يتامه ويكلف رباهه ومرهه

يحيدر صد على عيالك ومرهه

وشوف الصار بولاد الزجيه


رحيم الحسناوي