[نزار الفرج]

ابوذيات حسينية
احسين ايظل عله الدنية مَداره
دار الفلك ابذراعــــــــه مَداره
كَمر عالي امن العالي مَداره
نور انولد من نور الزّجيّة
**********
منهو اللّي اخيامه اصبحَتْ جَنّة
والعــــــــاداه من الله بيه جِنّة
طيور من العرش للحضرة جَنَّة
اتنوحْ اعليه كل صُبحْ او مِسيّه
*********
احسين بثورته كل طاغي هَزّه
تظلْ بركانْ يدوي اوتظلْ هَــزّه
احسين البلمهـَــدْ جبريل هـــزّه
انتصرْ عل السّيف دمّه او اظلْ قَضيّة
********
وينه الحاربكْ بلعته أرضَه
كَبره اشما بنوه تاكله أرضه
انا خادم اظلْ لحسينْ أرضه
أوزَعْ ماي والعَنْ بني اميّه
********
نمشي الكربله اشما صَبْ عَلينه
ابحبّ احسين يــــادنيه عِلينه
ابن حامي الحمه حيدر عَلينه
قسيم النّار والجّنة سِويّه
الشاعر ابو محسد
ولاية علي ع

</i>
</b></i>