[نزار الفرج]

كَالولي بسَّكْ دَمعْ
كَالولي بسَّكْ دَمَعْ = موخافْ تعمهه العينْ
كَتلهُم اطفي الجّمر = والدّمع هوّ الدَّيـــنْ
منْ ابجي طول العُمرْ= ما أوفي آنه احسينْ
****************
كَالولي بَسَّكْ حزنْ = يكفي بعَــــــدْ ياصـــاحْ
كَتلهم اسمه الفَرحْ = من أحَزنْ آنه ارتاحْ!
الحسين هـــو الأمَلْ= ول كل قُفُـلْ مفتــــاحْ
****************
كَالولي بسَّك لَطُمْ = تلطُمْ اسنينْ اشْصار!
كَتلهُمْ ادمي الصَّدرْ = مهما جرالي اوْصار
احسينْ هو الذُّخرْ= اوبايده يطـفيّ النـَّـــارْ
*************
كَالولي بسَّكْ مشي= مــــاتتعـَـبْ ابممْشاك!
َكلنهه اونكَولْ اوْبَعدْ= بأرواحـــنه نِــفــْــداكْ
المِشه ابيادهْ إله= يلكَه الَّشفــــاعَه اهــناكْ
***************
او كَالولي بسَّكْ تــوِنْ= ونَّه اعله ونَّه اتموتْ!
كَتلهـُــــم ْاللّي يـِــون= ابحسينَّه مَبــخــــوتْ
صَكْ مِنْ علي والده= للجنَّه بيه ايــفـــــــوتْ
**************
اوكَــالو اوكَـــالو بعدْ = الشِّيعه تره ايغالونْ
خلِّصــــوْا كلّ العُمرْ = يـنوحـــونْ ويلطمــــونْ
كل مَلكْ بل كل نبي= بعـــالي السّمه يبجــونْ
********
الحسين من النّبي=هالرّوحْ من هالرّوحْ
من نحره شَمّه اوبجه=يدري تره مَذبوحْ
بسْ دمّه ثوره يظلْ= لكل ثائر او مَجروحْ
الشاعر نزارا لفرج
ابومحسد
**************

</