[رياض الرسل]

السلام عليكم
احبتي الكرام
اليكم بعض من قصائد العشره الاولى
من محرم
*****************




ابـوذيات لـبـدايـة شهـرعـاشـور
********************
عسه يومك شهـر عاشور --- لاهــل
لا أخـوه الـبـقــتـلي بـيــك --- لاهــل
يـريت الهال فـوگ الجثث --- لاهــل
تـراب الـبـين بـرض الـغـاضريـه
*****************
مـن كـربـلـه شمـحـصـلـه --- شجاني
غـيـر الـحــزن وگـلـيـبـي --- شجاني
عگـبــكــم مـامتـت اهـلي --- شجاني
بقـيـت الوحـدي واخـذوني سبيه
****************
شعــنـدك ياشهـر بالحزن --- هـليت
ذنبي وبيك من مـرحـبـت --- هـليت
تـدري دموع يابـو دموع --- هـليت
وفگدت انجـوم طاحوا عالوطيه
*****************
هـوسات لبداية محرم
عـن لسان الحوراء زينب (ع)
*****************
عـسه لاجيت ياشهـر الحزن والنـوح
بيك حسيـن دامي وعـالتـرب مذبـوح
چم روح انته ماخـذ ياشهـر چم روح
ريـت ولا هـليـت لـهـلالـك
**************
يـاشـهـر الحـزن والـنــوح والـونـات
من فـرگت أخوتي امعاشره الدمعـات
ظـل عـزمي عـزم ما بطـلت هـيـهات
مرفـوعه وبالطـف الهامه
**************


هلاليه
***************

يهل شهر الحزن كل عـام
كـل عــام بشهـر عـاشور
وهذا الشهـر بـالـوجـدان
ظل طـول العـمر محـفـور
*************
ماننسه الجــره والصـار ونـذكــر كـربـلـه شبـيـها
بهــذا الـشهـر للــزهــره نعــزيـهــا ونــواسيــهــا
لـجــل حسيـن ابــو السجـاد هـالارواح نـفــديـهــا
ضحـه بكـربـلـه عـمــره لجـل الـديـن چـان وسور
*******************
بهذا الشهـر نبچي ادموم عالطاح وسگه الـغــبـره
من دم الـنحــر عــنـوان سـجــل نـصر لـلــعــتــره
هــذا الـشهــر بسم حسيــن من دمه وسگا عـمره
وظل خـالـد أسم عـاشور شما دار الــزمان أيــدور
********************
عـاشور الحـزن والنار مشـتـعــلـه بحـروف أسمه
والطـفـاهــه دم الـطـاح رحـمـه وعـافــيــه ونسمه
واحــد يـبـقه اسـمه حسيـن ما يـقـبـل أبــد قـسمـه
ما ينـقسم نـوره وشوف مـن نـور الجــلاله الـنـور
*****************
ارض البيها دم حسين يـاأرض الـمـثـلهـا اتـشوف
دم شـبان دم اطـفـال بـيـهـا وتـلگـه بيها أچـفـوف
هاي الضحه بيها حسين روحه وما يهاب اسيوف
بهــاي الارض لجل الديـن ضحه وبالعــمـر منذور
*******************
مـن هـذا الشهــر نـاخـذ عـبــره ونـذكــر مصايـب
دم حسيـن لمن سال عـالــغــبــره بگـلــب ذايــب
نــريــد أنـحـشمه ونـنـخـاه كــون ويسمع الغـايب
يحضر للطـفــوف وكــون يحضر وبگـلب مجـمور
*******************
ثـــارات الـحـســيــن الـغـاب مـتــكــفــل بـثــاراتــه
مــن يـظـهــر وبيده السيـف وتــرف عالي رايـاتـه
يـاخــذ ثــار كل عـاشــور والطـاحــوا بساحــاتـه
لاچــن عـالغــيـاب الغـاب مـو بـيـده الامـر مـعــذور
*****************
خادمكم
رياض الرسل

</b></i>