[رحيم الحسناوي]

سللينه على طهم الااه يا مولاي

والااه شكثر تتعذب ويانه

مللت لن صبره الطاح ما ينلام

نركض عالجذب والمنبع حذانه

حتى اليعتمدكم حاجته بدنياه

نوكفله حجر وي عرضت اخوانه

ندعو الله الفرج والغوث بالله وبيك

ونصرخ انتم الوليان وحمانه

اشو بس تكضي نركض عالكصيره بحيل

وننخط الجبين لصفرة العانه

حمول نشيل دنيه ونعترض لو كال

صاحبنه كلام وصدكه جووانه

ونميل سيوف جسره بلا رحم لو صار

واحد ينتفض والغيره عنوانه

جنت رايح بعيد وما عرفت الحال

يوم الناشدت اضهر يمولانه

اذا واحدنه للخاصر يحد سجين

ما بينه العطف لو سالت دمانه

شاكولن سيدي وادريهه هوسه تصير

واليصرخ يمهدي بطارف لسانه

اذا صارت صدك مولاي خاف نثور

ضددك من تروط وترجف جلانه

رحيم الحسناوي