[ثورة الحسين]

زينب تنادي ضاعت امالي ** لحد يخواني
بان الطف اسعرت نيراني ** لحد يخواني
ــــــــــــــــــــــــــــــ
يهل النصر ياهيبة الكرار ** ياهيبتي بخدري
اتراب الطفوف ناعي الدهر صار ** شيدور ماادري
موجن اشوفه اتراب مشعل نار ** بيه اشتعل صدري
او قبل الرحيل للحزن راواني لحد يخواني
ـــــــــــــــــــــــــــ
ماهل ياعباس عليه اتراب ** طول الدهر مثله
شفته والدمع ياعباس سجاب ** إولب الكَلب شله
لابد علينه بي تشح الاطياب ** واتخلي خله
ردني ياعباس لهيبة اوطاني لحد يخواني
ـــــــــــــــــــــــــ
ظل كَلبي من هالطف متوجل ** أوناري بدت تسعر
تدري اختك ما غطاها الذل ** لا والجد الاكبر
ابخدري لواك ياعباس يرفل ** وانه بخدري افخر
إوهذا الوشم فوك الخدر رباني لحد يخواني
ـــــــــــــــــــــــــــ
تذكر ياعباس من أكصد كبر جدي ** أولزيارته أكصد
وياك اطلع مارحت وحدي ** اونور القنديل يخمد
انته اتباري ظلي لايبدي ** إواعيونك الترصد
أوعين الاخو حسين ترعاني لحد خواني
ــــــــــــــــــــــــــ
هذه خدري ياعباس راعي الزود ** ماتحتاج أخبرك
وهذه لواك عباس ومرصود ** بي خدر خدرك
هالطف لابد ما يسيل الجود ** بنيابه يكدرك
إويبدي شخصي لعين عدواني لحد يخواني
ــــــــــــــــــــــــ
ياعباس احجيلك على حالي ** ابها الطف من نزل
يوعلى الاطفال الوكفت اكبالي ** اومنهم دمع العين انهمل
كالولي نعطش والماي جاري ** أو عباس هو الامل
إمن احجيلك يتلعثم إلساني لحد يخواني
ــــــــــــــــــــــــ
اطفالك اعزاز الخبرتني ** وكالولي ياعمه
شفت الطف واطفالك العذبتني ** إواشتعل كلبي إبهمه
ماشفت مصيبه المرمرتني ** بوجود ابن ابو اليمه
ابها الطف لني اتغيرت احوالي لحد يخواني
ـــــــــــــــــــــــــ
إوشفت الرباب الدنكت كدامي ** وكلب الكريمه أيحس
أتنادي يزينب عبدالله انفاسي ** أعليمن صار يرفس
بعده بكماطه وكلبي ماناسي ** أبيا مصيبه ايهس
خلاني احس بضيم خلاني لحد يخواني
ـــــــــــــــــــــــــ
سال دمه إعليه أو ميعرفه ** بس بعينه نظره
ابمهده رفس وايمسح ابجفه ** جن لسعته جمره
وحسين ينظر بعينه سهم حتفه ** وشمه من نحره
ابحضن حسين السهم يتناني لحد يخواني
ــــــــــــــــــــــــ
تنشدني اسكينه ابها الهم ** وتريدني اخبرها
اوبعينه تنظر نصب المخيم ** خافت خدرها
اتريد ابخدرها عباس يتوزم ** وابروحه ينطرها
واتكول يم الشهم صيواني لحد يخواني
ـــــــــــــــــــ
خوفي على السجاد برغد نايم ** فوك المرض يسهر
اوبعده بالعز والفخر دايم ** هالسجاد يتكدر
أويسهر على الضعن شبل هاشم ** أوصحته ماتكدر
أوينام ليله خاطر السفياني لحد يخواني
ــــــــــــــــــــــــــ
بقلمي خادم اهل البيت (ع)
(عبدالله الشاعر)