[saraa ft]

اتصلت المدرسة اليوم اسال عن الوضع .. نسبة حضور الطلاب 0% .. المعلمين المداومين 3 واستاذنو على ال 9 صباحا .. مافي الا المدير والمساعد والسكرتير .. المدير يقول خايف عليكم لا يسون لكم شي الوزارة ويفنشونكم .. ترى مطرشين برودكاست على البي بي يبون معلمين لشواغركم .. قلت له عادي الرزق على الله مو عليهم والله بيسهلها وبيفرجها .. يقول عليكم قروض والتزامات قلت له الزرق على الله.. ولو فرضنا جابو مدرسين بيدرسون من والطلاب محد؟ الا يقول في نسبة حضور سالته في مدرستنا كم طالب مداوم قال ولا طالب .. قلت له اللي عندك عند مدارس وايد .. حضور الطلاب نسبته صفر .. طبعا الوزارة قايمة قاعدة كل شوي اتصالات وفاكسات باسماء الغايبين .. بس والله ما نتراجع اللي صار مو هين علينا والشهداء نوفيهم حقهم وحقنا لازم بناخذه والرزق على الله .. كلنا المعلمين والمعلمات وياكم ايد وحدة وبإذن الله ما نخذلكم وثقتنا فيكم كبيرة ..

كفاية كلمة (شكرا لكم ) اقشعرت ابداننا يوم سمعنااها أمس من الناس مو متعودين أحد يشكرنا رغم كل شي نقدمه للمجتمع .. بس الحمدلله على نعمة الهداية لان اللي الله ينور ردبه وبصيرته للحق ما يخاف من شي .. يخاف من المخلوق وهو بعين الخالق؟
منقول