عن بَضعةِ المُختارِ* أُنبيك بالاخبارِ
ياسائلي أَمهلني من نائباتِ الحُزنِ
أُنبيك بالاخبارِ
***
يـاسائلـي عن فاطمـه الياسبب تجري الدمعه
واليـامصيبه ويـاهظـم تبچـي وتِنوح البضعه
وليش ابمجـرات الـحـزن وبـالنـايبه مـتگبعه
وليش المصاب أم الحسن گلبك وگلبي انبضعه
ياسائلي عن ناري *في لهفةِ انكساري
خُذ قلبي واسمعْ أنّي *من نائبات الحزنِ
***
يـاسائلـي هـاك اسِتمـع إخـذ الحقـايق مِنّي
إجذف ابدمعات الصبر وغوص ابمناجم حزني
نسترجـع العهد المضـه وعالزمن شاهِد خلني
تلگـه صِـوَر متوثّـقه الفاطمـه ارويهن عنّي
عن قصّةِ المسمارِ* إروي هُجومَ الدارِ
خُذهُ بدمعٍ عنّي *من نائباتِ الحزنِ
**
عن سر فَـدك يا سـائلي يرجـع ملكهـا إلطاها
وهاي الارض نحله النبي الفاطمـه الزهره اِنطاها
سيد الرُسـل كـل أُمّته إبـأُم الحسن وصّـاها
ومن ارتحل خيـر البشر وروحه الأجل وافاها
خانت حبيبَ الباري* جـازتهُ بالإنْكـارِ
أمرٌ ثقيلُ الوزنِ *من نائباتِ الحزنِ
***
ضد فاطمه زمره إطْلَعت كل همها جمع الاموال
گـالـولهـا يافاطمـه نعتـرض إحنه بكـل حال
و الانبيـاء مـاتنورث سيد الـرُسـل هُـوَه الگال
وشما يملكـه المصطفـه نسترجعـه البيت المال
خطّت يَدُ الاقدارِ * سَيلاً من الاخطارِ
أضحت جِبالاً تَبني* من نائباتِ الحُزنِ
***
جـاوبت بنت المصطفـه وروح القُـدس يسندهـا
بـآيـات كثـره إسْـتشهدت حيدر علي شاهـِدها
لكن الطغمـه الحاكمـه قـرّرت تـوگف ضِدها
رادو سلبهـا و بـالفِـعِـل سلبو فَـدك من عـدها
خُزانة الاسـرارِ *مدهـوشةُ الأفكارِ
ذابت أسَاً بالـأنِّ *من نائباتِ الحزنِ
***
مَكْـتِـفـو من غصبوا فدك هَـدّو وهجمو عالدار
رادو حَـرگ بيت النبـي وبـالبيت أمّ الاطـهار
يـاللعجب فـوگ الوجـه تنصفع بنت المختـار
تمسي الضلـوع اِمكسّره وبالصدر نابت بسمار
في لوعةِ اِصطبارِ * عن حيدرِ الكرارِ
أخفت سَوادَ المتنِ * من نائبـاتِ الحزنِ
***
من عَـرف حيدر بالأمـرگال إلها يانـور العين
هاذ آنه سلطـان الحرب تعرفيني يَم السبطين
لكن يبنت أشـرف نبي إختاري ما بين أمرين
لوأَمحي هالوادم محي لو ينحفظ هاذه الدين
تبّت يَـدُ الاشرار * تسعی لِنيـلِ الثارِ
في غدرِها أردتني *من نائبات الحزن
***
ابو ياسـر الكعبي
***