[ثورة الحسين]

قصيده منبريه
ـــــــــــــــــــــ
عباس طالع ** لوادي الاحزان
وي ابو اليمه ** يحرس اخيمه
عباس طالع لوادي الاحزان
ـــــــــــــــــــــــــــــــــ
تنشد الناس عن حالة العباس
عايف امه متذمر النوماس
ماخذ الجربه والسيف والطاس
ولضعن حسين اعيونه حراس
ماخذ اخوته ** ماخذ الشبان
عضيد وعضيد ** اصبح حديد
عباس طالع لوادي الاحزان
ـــــــــــــــــــــــــــــــــــــ
ام البنين ابحيره تناشد حسين
عباس متذمر ليش يا نور العين
اشبول حيدر وياك وين
والعضيد انته ماعندي اثنين
ما انشدك وين ** ماخذ الفتيان
وابن الزجيه ** يعرف زين بيه
عباس طالع لوادي الاحزان
ـــــــــــــــــــــــــــــــ
كبل مايطلع ضعن ابو اليمه
لكبر النبي راح وشكه همه
ايصب الدمع ولطم يمه
واخبر جده واترابه شمه
عايف مسجدك ** حان الاوان
لاجل دينك ** طالع حسينك
عباس طالع لوادي الاحزان
ــــــــــــــــــــــــــــــ
اشلون اظل وحسين العميد
ادري بحسين كاصد يزيد
اشلون اعوفه وانه العضيد
مااعوفه ولحسين اصير يد
اشعندي غيره ** وشعندي خوان
وانه بن حيدر ** وبصولاته اكبر
عباس طالع لوادي الاحزان
ــــــــــــــــــــــــــــــــ
يزيد معروف للدين هادم
اشعنده وي حسين حاقد اوناقم
ما يدري بيه كمر هاشم
ولاجل حسين اكص ايد هالظالم
مايدري بحسين ** مذكور بالقرآن
مااظل خاضع ** بجفوفي طالع
عباس طالع لوادي الاحزان
ــــــــــــــــــــــــــــــــــــ
غفت عينه شبل الزجيه
يم خيمة حسين ابن سيد البريه
اولن حيدر ايناديه بالغاظريه
انته الذخر لحسين صد اشرار اميه
تنذبح مظلوم ** تنذبح عطشان
ينكطع جفك ** اتحارب ابصدرك
عباس طالع لوادي الاحزان
ـــــــــــــــــــــــــــــ
حيدر ايكله ضميتك لبو اليمه
اجفوفك تنكطع وبعدك ابهمه
ماتنسه صولاتك هاي الامه
وابوادي الطفوف اتزيل همه
هو عباس الكمر ** وتهابه الشجعان
مايكحمونك ** من يشوفونك
عباس طالع لوادي الاحزان
ـــــــــــــــــــــــــــ
يبني ادري متهاب عدوانك
فارس وصنديد وكافل اطفالك
ادري حسين عندك اغله اخوانك
والسهام اتريد تاخذ اعيونك
دافعت لحسين ** ابصبر وايمان
انكصت اجفوفك ** واتحارب ابزودك
عباس طالع لوادي الاحزان
ـــــــــــــــــــــــــــ
بقلمي خادم اهل البيت (ع)
(عبدالله الشاعر)