[الحاج انور الكاظمي]

بسم الله الرحمن الرحيم

أفلحَ من صلّى على محمدٍ وآل ٍِمحمد

هايه زينب

هايه زينب لــو طِـره طـاريـهــــا * بالوفــــه دمع الوفـي إيوافـيها

هايه زينب مِن ذِكَـر فاز إو بـچـه * وال نِـكَـرهــا بـالگـبـر يبچـيها

هايه زينب للـــبَـــدَر نــوره إنولد * من ولادتـهــا إبضِوَه إيهننيهـا

هايه زينب نـوَّرت طيـبـه إبمسـك * عَـطـِّرت بي كـربــلــه إلباريها

هايه زينب جـدّهــا طه إلمصطفى * رحـمـة الله الواســـعـه هاديها

هايه زينب بـِت عــلــيِّ إلمرتضى * الوصي حامي الحـمـه حاميها

هايه زينب ومهـه زهـراء البتول * لله يـِرْضِي أوللنبي إل يرضيها

هايه زينب للحسن وحسـين أخُت * ول أبوفـاضل كِــفـَـلْ ســـاقيها

هايه زينب بـِت عــلـي، إتعـرفيها * بالـشــدايـد واگــفــه، تـلگـيها

هايه زينب گـاعـده إگـبـالـچ هِـنِد * ونتِ وسـفه إشلون، معرفتيها

هايه زينب عشتي ويـاهـا إلعُـمُر * أحـلـه أيــامـه تـَــره، إگظيتيها

هايه زينب بـالـخـرابــــه گـاعـده * يا هِنِد شنهو إلجـِره، إنسيتيها

هايه زينب أم مُـصـايـبـنـه ضحَت * ذبحو إخوتهـا إبـظمه إمعاديها

هايه زينب هيه زينب بـِت عـلـي * ونـتِ الله إيـحـــبّــج، إخدمتيها

هايه زينب بت خديجه إو فاطمه * من حُسُن حظـّچ تره، إرعيتيها

هايه زينب للحـســن شـافت چبد * وبطشت يـِنـْزف دمـه، إلفيتيها

هايه زينب أخته لحسين الشهيد * دونه ظلمه الدنيه ما، إمشيتيها

هايه زينب للگـمـر أختـه إلوفي * چـف أبوفـاضـل مِــنـُـو إيدانيها

هايه زينب وبأسر غاب الـگـمـر * منهو للدنــيــه ضـوه إيضويها

هايه زينب جَـتِـي للشـام إبسـبي * ونتِ أيـامـچ رخــَــه، إرسيتيها

هايه زينب جَـتـي بثـيـاب إلحِزن * ونتِ ذهـبات إل غِـنـه إرديتيها

هايه زينب ظلمه گـعـدتـه إوخدم * حِـمْــلـَـو إقـــنـــاديـلُ محملتيها

هايه زينب وخــيَّــتـهـــا گـاعِـده * بالخرابه صـرخه ما إصرختيها

هايه زينب وأم كُــلــثــوم إلأخت * ونتِ وهــلـه بالجــفــه إبديتيها

هايه زينب تهْمِس إبـإذن إلأخت * خي يه هِـنـْد إلخادمه إعرفتيها

هايه زينب تنظر إلوجْـهـِچ هِـنِـدْ * ونتِ نـظـرات إلـعِــتـَـب درتيها

هايه زينب گـاعـده إبخربـه تِون * ونتِ من كرسي عِلـَه إسئلتيها

هايه زينب من مـديـنـه إمْـنـَوّره * ونتِ حــرمـه للـنــبــي إبديتيها

عل تِرَاب إگـعـدتـي جا طـاريـهُـمْ * وبْـگـَعـِـدْتِـچ سـائـلـه إنشدتيها

عنها زينب بـِت أمـيـر إلمؤمنين * دمعة إلحـيـره إبـوفـه إهميتيها

هايه زينب والحَسَن نورإلشمس * هاذ أخوهـا إسـمـومه داويتيها

هايه زينب إختَ إبـو فاضل گمر * إلـنـفـل عــبــاس ِمـــا إدريتيها

هايه زينب أخت الحسين إلشهيد * بالـســـؤال إســــهـام إرميتيها

آنه زينب گــالــت إوكـافـي هِـنِـد * آنه زينب وسْــفه ما إعرفتيها

آنه زينب إلـعـقـيـلـه والحُـسَــين * كـعـبه بدموع إلرجــه إطوفيها

آنه زينب أخـتـه لل ذِبْـحـو غـَدِر * سيّد إلجــنــه إومنـو إيضاهيها

آنه زينب ونـتِ مـدريــتــي بَـعَـد * روس إخوتـي چم رمح عاليها

آنه زينب كُـل مِـتِـن أســود مِسَه * أثـَر لســيـاط أو زجُـر، شفتيها

آنه زينب راكــبـه ظـهــر إلهـِزل * وبْمَشِي إب نـَهْرُ إوشتِم تلگيها

آنه زينب سـهْرت إليالي إبـقهـر * والفـَواجـِـع إنـتِ مَــا إسْهرتيها

آنه زينب يـا هِـنِـد حَــقـّـچ تـَــره * إلـقهـر شـــيَّـــبــهـــا ونسيتيها

ياهند إو أسْري منهو إل شَاهَده * والمـتـون إلســوده إش يشفيها

يا هِنِدْ إجروحي إب گلبي إوذبح * هَدْني ودموع إبْـهَـمَـي إجليتيها

آنه هِنـْدُ إو لاطـمـه وجـهـي أرد * إلجّــمَــايـل واضــحــه إهديتيها

آنه يازينب دمـوعـي ســـايــحــه * للنوايـب شـَــاخِـصــه إسليتيها

هايه زينب وإلعـيـون إلهه رمَت * شـامته وبــكــل سَــهـم تِـئـْذِيها

دنيه وحْوَيتي غدر بطش إو إذه * وسْـفـه لي آل ِالـنـبـي إسديتيها

هَايَه أوتار إلـحِـزن عِـزفت لحن * ونت ِيادنـيــه إبـدمـه إعـزفتيها

آه يازينب يا مصاب إلهـه نِـعِــد * والجروح إبروحهـه حَارَن بيها

هايه زينب حـامت الـديـن إبوفه * صدّت إعـيـون، إلكُــفـُر عَامِيها

هايه زينب لـو طـره طـاريـهــــا * بالـدمـه عَــيـن الـوفـي ،تبچيها

الحاج أنور الكاظمي