[ثورة الحسين]

لليوم ماشايله العقل والله ** وادموعي فوك الوجنات تجري
جثمان موسى ابن جعفر ياناس ** فوك الجسر والناس ماتدري
ومكيد بحد السلاسل والله ** ولليوم فوك الجسر يحجي
وسموك وادري كلش زين ** وسمك لليوم ابكلبي يسري
حقدهم واضح ومايحتاج تفسير ** وخوفهم من نور علمك اليسبي
واسمك كاظم الغيظ معروف ** واسمك مكتوب ابوسط كلبي
وشال اهموم فوك اهموم ** وبعده شاب وزين يدري
وحافظ عله احكام الدين ** وصار الدين بجفوفه يزهي
وشال الظلم بجفوفه المهيوب ** وجانت الظلام بالناس تفني
وماركن للجور ابد فديوم ** ويدري بالظلام شتريد تمحي
ولحكم الظالم ماركن يوم ** وعيونه دوم عله الدين تربي
واهل المكر تفتر دوم ** وبالسجن كضيت العمر تدعي
وكاظم الغيظ اختار الطريق ** وماهاب ظلم الظلام حجتي
وبعهد الرشيد اشتدت الحاله ** وصار كل يوم ايريده جبري
وصار كل يوم ايودي تهديد ** وكام ابحقد كل يوم يحجي
وصدر امره الطاغي اللعين ** وبسجنه صار مولاي يدعي
وسيدي اتحمل جور وظلم ** ومن سجوده صار الظهر محني
وبيا ذنب سجنوك مولاي ** وصرت عن اهلك اليوم منفي
ولوعات فوك لوعات اتحملت ** وصرت كل يوم لسجن تمشي
ولسجن ابن شاهك ودوك ** والدمع فوك اخدودي يجري
وهاذه السجن مظلم والله ** واحس ذاك اليوم انكسر ضلعي
ومايكدر ايميز ليل ولا نهار ** وادموعي خرت فوك صدري
ومصايب شاف اشكثر مولاي ** واحس بالحيل راح من عندي
وبصبرك حاربت هاي السجون ** ومن صبرك صار السجن يبجي
وحته قضبان السجن ماعت ** من كثر صبرك سيدي اليزهي
وحته السجن حار من صبرك ** وبجيت السجون ايه وحك ربي
وعله جثمانك صله غريب الطوس ** وادموعه فوك الوجنات تذري
وكل عام اوكف فوك الجسر ** واحس نار ابكلبي تسري
وكبر الرشيد اندوسه بالرجلين ** ولليوم صار اسمه منسي
وهاي زوارك ماتنعد ملايين ** وضريحك سيدي للدوم يضوي
وهاي شيعتك سيدي ومولاي ** ويم ضريحك كلهه اليوم تبجي
ــــــــــــــــــــــــــــــــــــــــــ
بقلمي خادم اهل البيت (ع)
عبدالله الشاعر