منتديات أنا شيعـي العالمية - عرض مشاركة واحدة - الى ولي الدم الحسيني الحجة ابن الحسن/عليه السلام

الشاعر حلمي السعد · بتاريخ : 13-09-2011 الساعة : 12:06 AM

مرنه محتاجه الضوه عميه العيون
وانــــت كحل العين محتاجنك
احنه فراشات لــــــــيل وانـت نور
ونحترگ وي خـيط شمع سـنينك
مرنه مكسوره الخواطر تربي ليك
وانـت مــرهم شفــاومــــــتانينك
مرنه نشف دموعنه شگد بينه ضيم
وعنــــــه تجلي الضيم متاملينك
يالله موحته الحمد عاف الصلاه
وغيروا اهـل البدع سنة ديـــنك
يمته راياتك ترف بارض العراق
وتمسح بروس الـــــيتامه يمينك
عجل ولتطول علــــــينه الغياب
محزن المــــــــحراب مانـاسينك
ربي كن انت الوليــــــــك بالدعاء
وكون ربي بالــــــــــدعاء يعينك
هذا واجب بل فرض في كل صلاة
ندعي حته تـــــــــــبين براهينك
شككوا بينه وجزت حدها الشكوك
يمته عيني تشوف ضـــي جبينك
مخزن صوابك تون خرسه الجروح
خزان وي دمــــــع الحزن باجينك
صبخه مو صار العمر مابيه ربيع
لاتظن يـبن الحـــــــــــسن جافــينك
مرنه مزنة خير لاعبنه بـــــهواك
وخل يـلاعب ريـــــــحنه بساتينك
احنه نسمة شوگ غازلها بنداك
وخل تفوح بروضنه رياحـينك
خل يموت بغيضته العاذل تعال
وخل تحز نحر الجفه سجاجينك
الك مشتاگين سودنـــــــه هواك
شيعه من فــرط الهوى مجانينك
لاجلك عله دروعنه البسنه الگلوب
والارواح مــــــــــسبله وفادينك
هاي صرخه وما يفارگها الضمير
مشرعات ســـــــــيوفنه ملاكينك
مشگگه شفاه النسه وتدمي الجدام
تعب وبـــنار السبـــــي جاوينك
موخلص عمتك گلبها من النياح
موخلص عمتك گلبها من الصياح
مو خلص عمتك گلبها من العتاب
ولسه فوگ التل تــــحشم حـسينك
يالثارات الحــــــــــسين بكربلاء
وخلي يطفه بهالـــــنداء اونينك
تاخذ بثار الگضوا كلهم ضماء
وتنشر اعلام الــــعدل راجينك

خادم اهل البيت
حلمي السعد
29/رجب/1432