[عدنان منعم]

محاوره بين احد الزوار والسيده زينب ع
كبل زيارتي يالزايراحجيلي – سولفلي علاالمذبوح وابجيلي
ءءءءءءءءءءءءءءءءءء
سولفلي يزايرعن اخوي حــــــسين
يكلولي مناره وكبه تملي العيـــــــن
والحائر تطوفه الناس وبكل حيــــن
وبــــسمه كربله صارت منار الدين
من تراب كبره حفنه خليلي
ءءءءءءءءءءءءءءءءءءءءء
سولفلي الرضــــــــــــــيع موسدبكتره
وعلي اوليده يونس وحـــــــــدته بكبره
وطابن من جفاني صدره وي ضــهره
لجن عندي ابد ماينجر كـــــــــــــسره
ياويلي لمصاب حسين ياويلي
ءءءءءءءءءءءءءءءءءءء
سولفلي السهم ظل نايم بعينـــــــــــــه
جابيمن بعد يبــــــــــــجي عله حسينه
وجوده اعله النهر يكـــــــتب عناوينه
وسبايا من نمت عالـــــــجرف ظلينه
بفركك سهر وهموم ياليلي
ءءءءءءءءءءءءءءءءءءء
سولفلي كمرنه تصطـــــــــع انواره
معياره الكرامه الكمر مـــــــــعياره
واجفوفه الصفن بالحومه تذكـــــاره
وعليهن دارت بكربله انصـــــــاره
ترتيلي جفوف الكمر ترتيلي
ءءءءءءءءءءءءءءءءءءءءءءء
سولفلي الحسن حنه ةاولده القـــاسم
لوظل بالمعاره ايوذره الصــــارم
شمرات الحسن ماهمه كل ظـــالم
مثل جده الصميده ايجـــندل الوادم
ابنك يالحسن هدملي كل حيلي
ءءءءءءءءءءءءءءءءءءءءء
سولفلي حبيب وربـــــعه ماعافوه
مدفونين يمكه وكل فجـــــر حيوه
مومثلي يازاير باالعره خـــــــــلوه
ياحظ شيعته وبكل وكـــت زاروه
ومن ترجع سلام وياك وديلي
ءءءءءءءءءءءءءءءءءءءء
خادم الحسين – عدنان منعم