[ابو ظاهر البركي !]

اتذكر المقطع الاخير لقصيدة المدارس كتبتها بحق ابي الفضل العباس عليه السلام

ورابع مدرسه وي الثالثه اتصير
اسم واحد بنص الباب شفته
رسم للجود يسكي بكل الاجيال
وتحت الجود انه الكافل اخته
وعلى اسياج المدارس راسم جفوف
وجف جبير من شفته عرفته
جف جبير شفته وبيه مكتوب
انا العباس جفي الاختي جبته
عهد وي حيدر الكرار اخذناه
وعهد وي زينب اني الي اخذته
وبقه جف علشريعه هناك موجود
لأجل الشيعه اني هناك عفته
العنده حوائج خليجي هنا
بس خادم يجي لحسين ردته
انا باب الحوائج ماألي باب
حتى الكل يجيني بابي شلته
صحيح انه بلايه جفوف ضليت
بس الكون لو ردته حظنته
لذلك اليجيني ورايد يزور
اول مانوه وابيته زرته
وكلمن زارني وقبل الشباج
يلكه بجيبه صك اني ختمته
ياخذ صكه مني يروح لحسين
بعتبة بابه خلي يحط جبهته
يزور ويندعي ويصلي لله
كلشي يريد ياخذ تحت كبته
ومن حسين يمشي العلي الكرار
هناكه يستلم مفتاح جنته


اخيتي الفاضله خادمة اهل البيت ع
وفقكم الله وقضى حوائجكم ان شاء الله

نعم انه باب الحوائج عليه السلام

تقبلي مني هذا المرور على قصيدتك الولائيه
التي كتبت بكلمات الموالين الموقنين بشفاعة محمد وال محمد



اخوكم
ابو ظاهر البركي
النجف الاشرف