إنكتبه بالخافقين ...... الحبيب الحسين
*********
من الزغر للمشيب ...... الحسين الحبيب
عنه أبد ما نغيب .......الحبيب الحسين
******
بالكلب لو بالعين .... سجل إسم الحسين
بإعتقاد إويقين ..... الحبيب الحسين
*********
يا أمير السيوف...... وبجروحك تطوف
كعبةٌ بالطفوف .....الحبيب الحسين
*******
تعتنيك الألوف ..... وعلى كبرك تطوف
شما تكون الظروف ..... الحبيب الحسين
******
حب حسين إرضعنه..... من أبونه وأمنه
لو ماحبه ضعنه ..... الحبيب الحسين
********
بالكلب منرسم ..... حسين هذا الأسم
وآني بيه أنفطم ..... الحبيب الحسين
*********
من الزغر بالمهد .....الطفل لو كعد
للحسين العهد ..... الحبيب الحسين
*********
الدنيه خلها تدور ..... ننتظر للظهور
يا إمام العصور ..... الحبيب الحسين
********
بيدي رايه ترف ..... للطفوف الزحف
خلها كلها تعرف ..... الحبيب الحسين
*********
رضعنه ويه اللبن.....حب حُسين المحن
نصيح لو بالكفن ..... الحبيب الحسين
******
إخذ منه العهد ..... خل يظل للأبد
أحله من الشهد ..... الحبيب الحسين
قاسم طاهر القاسمي
(ابوتكتم الخير)
18 /محرم /1433