[ابو ظاهر البركي !]

احساس الكلام



احذر احذر تجرح احساس الكلام
لأن هذا السانك اكبر آيه
هو يعكس صورتك وسط الانام
وهو صاير النه كلنه مرايه
ومن تمد ايدك على خصر النصوص
خلها مثل الورده مو سلايه
تدري بضلوع القصيده مسطرات
ومهجة ظلوع القصيده الغايه
واحذر الجلمات يبقن سافرات
وسوي من وزن القصيده عبايه
وخلها مابين العرب تسفر تبات
المهم بالديوان تبني الثايه
وسوها بنيانن رصين وناطحات
للسحاب وفوكه تشجخ رايه
تكلم بكلمه واكل كل كلام
وموش شرط اتسولفلنه روايه
تصح جلمه تفسرت مية كتاب
ويصح الف كتاب هي حجايه
لا لبو السجاد تذكر كل زمان
وهي من حرفين بس هوايه
كامت تعارج اللا مثل الفقار
وهدمت بيت آل أميه ورايه
ولو شعرت بيوم عطشان الكلام
روح للعباس تروه بمايه
جوده صايرله الف من الاعوام
وفوك الف العام اربعمايه
ومايشح مايه ابد للي يجيه
منه تجري ابيات ومقفايه



خادم اهل البيت
ابو ظاهر البركي