سعيد إنته وسعيد الي إجه وزارك
يبن جبير هنياله الوصل دارك
**************
سعيد إنته بالدنيه وسعيد إهناكِ
يبن جبير هنياله الوصل لحذاك
وحبك العلي من عنده حبينـــاك
ياحب المثل حب الوصي وصفه
**********
حبك للوصي من يوصفه الظالم
يبن جبير هوه الجان بيه عالـــم
كال بحب علي هذا الشقي هايـم
يوصفك ال علي من النهر جرفه
****************
جرف إنته إصبحت للآل ولحيدر
هنيالك على هذي الصفه وأكثر
وإنته الي رويت من الحديث الدر
در حيدره يبن جبيروتعرفه
**************
التعرفه إتنشره بين الناس يبن جبير
ما يستغني عن علمـــك زغير إكبير
مو هذا الحــــــديث الي رواته إكثير
وهي بعلمك يبن جبير متشرفه
*************
تتشرف بروايه عن بطل مغوار
ميهاب الظلم لا زمرة الأشرار
كلمة حق ينطقها بعلي الكرار
والحجاج يذبحك من سفه عرفه
***********
عرف إنته الذي من أجله طب النار
والحــــجاج يبن جبير نــال العـــار
ولعنات الخـــــلك والباري الجــبار
وعليك الحور بالجنات ملتفه
ــــــــــــــــــــــــــــــــــــــــــــــــــ ـــ
قاسم طاهر القاسمي
ابو تكتم الخير (25/ربيع الأول/1433)