[كريم السعبري]

المنبر نظيف انبنه بدم حسين
موياهو اليجي ويصعد عله المنبر
صح هو خشب والناجره نجار
وقد النجار هذا يفجر ويسكر
موصالح يصعده المايحب حسين
ونهجه للغواني يكتب ويشعر
يحق بس للخدمكم يا ابو السجاد
يوكف عله المنبر يقره يتبختر
الحسيني يظل حسيني وميتغير يوم
ولاكل ساعه لون ويطلع بمظهر
شفت حسين يم العاشر بعاشور
ثابت عل الحقيقه وابد متغير
ماهمه ظمه لاذبح لاتسليب
ولاكثرت سلاح وكثرت العسكر
واذا رايد تطهر النفس ياوهمان
افهم مذهبك والمعتقد حيدر
فضلك محمد ربك عله الكون
وتكريم لنبيك اوهبه الكوثر
والكوثر بعد مارايده التوضيح
التحضر شفيعه بساعة المحشر
خل ننصر حسين احنه بقلمنه يوم
ماننصرجميل وقيس لو عنتر
امس شمر الخنه حز النحر با لسيف
واحنه بالقلم حزينه اله المنحر