[ابوتكتم الخير]

مولاي يبن الكاظم ....... رجواي يبن الكاظم


***********


ياحبيب الكاظم لسورى إجيت


من ظلم هارون للغربه إعتنيت


وينه ذاك الظالم الماظله بيت


وإنته كل سورى يقاسم بيتك


*****


بيوت سورى صارت البيتك سياج


ماتريد النور يالنورك سراج


ومايك البلكوز للشارب علاج


وإنته إبن قاضي الوايج جيتك


*********


جيتك إبطلبه يبن حامي الحمه


العراق اليوم حاله مؤلمه


تصفي كل إكلوبنه برب السمه


وإنته إمك فاطمه ناديتك


******


نادي يامظلوم يا إبن الكرام


نقسم إحنه إعليك بحسين الأمام


تحفظ إعراق الأئمه والسلام


وإنته مظلوم وتراني إدعيتك


********


نادتك بإسم الرضا وإسم الجواد


الديره متوشحه وأهلهه بالسواد


تشيعك هاليوم يا باب المراد


يامراد أهل الكسه سميتك


*******


اليوم تابوتك صبح ذاك المضيف


إبيت أبو خمره الشريف إبن الشريف


وشوف كل أهله لزوارك تضيف


وريتك إتشوف القوافل ريتك


*************


بصحنك إبهليوم مولاي إوكفت


تلطم إعله إصدورها ومن دم بجت


شيخها القاسم إبن موسى إفكدت


وإنته تدري سورى إمواليتك


*******


قاسم طاهر القاسمي


ابوتكتم الخير
العام الماضي