[رفعت حبيب الزبيدي]

وحك من بالطفوف بسهم ..ضلعين
بكتل بنت الرسول اثنين...ضالعين
النذل مو ضلع واحد كسر...ضلعين
ضلع من السما وضلع الزجيه
-----------------
وحك جفينك الطاحن ياعباس ----- ووحك سبي العقيله وخوة حسين
تضل الشيعه بيكم رافعه الراس----- ونضل نهتف بسمكم طول السنين
يقتلونه بحقد موبيهم الصوج--------أنعجن مرضعهم بسم الثعابين
يلومونه على حبه وكالو جنون------ الجنون يهون عمي احنه المجانين
وأذا فجرونه يوم وكطعو الراس------يضل محفور أسمكم بالشرايين
وأذا حركو جثثنه وماكو شريان------على خدود الزمن تبقى النياشين