مَته إجنودك یبو صالح تَصِلها
ومَته صولاتك الکُبره تَصِلها
ثـاراتـك الثـاراتـك تَصِلها
ومِن الجَـذِر تِسْـتَأصِل أُمیَّـه
***
أُمیَّـه إنْـرید تِسْـتَأصِل نَسِلها
وسیوف الحق عله الباطل نَسِلها
الگـوم الظُلمَت الزهره نَسِلها
الیا سایـه إکْسِرَت ضلع الزچیَّه
"
بعد ثارات إلك بالطف تَراها
إلـك تـتـنطَّـر وعینك تراها
یَمَن سیفك عله الباطل تَراها
سِـلَّـه وإخِـذ ثـار الغـاضریَّه
"
إلباري اختارك الثـاره وعَدّاك
اوقِضه اینصرک عله أَعدائه وعَدّاك
عندك روس مگطـوعه وعِدّاکك
جثث فـوگ التُرب ضًـلَّت رمیَّه
"
جِثث عِندك عـله التربان ضَلّیت
إبْهَجیر ولا علیها افیاي ضَلّیت
ثَلِث تَیّام جسم حسین ضَل لیت
کـل اجسومنـه ضًلـَّت رمیَّـه
"
یریت إجْسومنه کل جسم مَرماي
وعساها للطبر والطَعِن مَرماي
بِلـِمْثَلَّث عسه کـل گلب مَرماي
وعسـانه وِذَر دون ابن الزچیَّه
"
ضًهْضِب یـابـقـیَّـة آل هـاشم
هـا دَگصِد رمـاد الخیم هـاشم
الکُفَرمن جدَّك إشْچم ضِلع هاشم
وچم ضِـلْع انـهشَم من الزچیَّه
"
الدمـع طَـفَّه الضوه بعیني وعمَّه
وحزن الطف سکن گلبي وعَمَّه
إلك عِـیْلـَه إنْسبت بالطف وعَمَّه
لارض الشـام ودّوهـا سبیَّـه
"
اللهم عجّل لوليّك الفرج