يـزهراء هاي أعظـم ولاده
يـزهراء گلب المُـحب ناده
هلّت ليله العـيد = عيديَّـاتنه نـريد
يــزهراء گلب المُـحب ناده
***
الگلب طيـر وعله بيـت الـرسـالـه
رفرف يـعـزف أنــغـام ابـتهــالـه
الليله النـور تـمّـم کـل خـصـالـه
بـدر عالکون ضـل يسـطع جمـالـه
يـزهراء نور الله ونبيـَّه
يـزهراء ابوجهچ يشع ضـيَّه
إرتِفَع صوت التغاريـد = عيديَّـاتنه نـريد
***
وهب للکون رب الکـون نـعمـه
ونـزَّل للبشـر هاليـلـه رحـمـه
نـور الله انـوجـد بـأم الايَّــمـه
وعيـن المـاتشوف الـنور تعمـه
يـزهراء نـورچ يشع بـدره
يـزهراء للعالـم ابأسـره
من چف الأجاويـد = عيديَّـاتنه نـريد
***
فـرحـانه المــلائک بالسمـاوات
والأفــلاک تـتـمـاطـر مـسـرّات
وبسم اُم الحسـن مرتفعه الاصوات
هـالـمـيـلاد مـيـلاد الـکرامـات
النـجم لاح من بُرج الکـرامـه
هالأفـراح بأســم اُم الإمـامـه
بسمچ نرفع الإيـد = عيديَّـاتنه نـريد
***
الليله الکـون لابس زِيـنة الـکـون
ليـله الانـبيـاء بـيـهـا يـنـزلـون
النبينه المصـطفه ابفاطـم يهـنَّون
أحله من الفـرح شتشـوف العـيون
هالمـيلاد ميـلاد الزکيَّـه
بالأعياد فرحـانه البـريَّـه
وتردد أناشيـد = عيديَّـاتنه نـريد
***
إمن الکوکب الدرَّي إتشع الأنوار
وهالأنـوار مـن بضـعة المُـختار
مشـکاة الـنبـوَّه وسـر الأسـرار
لأجلها انوجـد هـاذه الفلک دوَّار
هالأفـراح تتمـنَّاهـا الگلـوب
والأرواح بأم المُجتبى تـذوب
إجينه إعله المواعيـد = عيديَّـاتنه نـريد
***