منتديات أنا شيعـي العالمية - عرض مشاركة واحدة - الى الشيرازيه والسيستانيه والصدريه وكل شيعي بالمنتدى

** مسلمة سنية ** · بتاريخ : 28-06-2012 الساعة : 12:00 AM

اللهم صلّ على محمد و آل محمد و عجّل فرجهم و العن اعداءهم

لا حول و لا قوة إلّا بالله العلي العظيم

قبل كل شي ألف حمدا لله ع سلامتك

و بعد هيك بدك بهدلة ( توبيخ ) على هالعملة !!!

شو ما كان الإمتحان خطير و بتترتب عليه نتائج مهمة بحياتك ... ما بيصر يشل تفكيرك بالطريقة اللي ذكرتيها و اللي كانت رح تودي بحياتك !!!

ادرسي و اعملي اللي عليك و ما تقصري

و بعدها توجهي مخلصةً لله بالدعاء

و توسلي إليه بأحبّ خلقه إليه

المعصومين الـ 14 سيدنا محمّد و آله الأطهار عليهم الصلاة و السلام

و السيدة زينب
و أبي الفضل العباس
و أم البنين
و عبد الله الرضيع

و توجّهي إليهم و اطلبي منهم أن يقضوا حاجتك عند الله بما آتاهم الله من فضل و منزلة

و لا تنسي الإكثار من الصلاة على محمد و آل محمد و دعاء الفرج

و بإذن الله تعالى ما بتكوني إلّا راضية

قبل تقريباً سنتين صارت معي قصة مهمة كتير بحياتي وتّرتني جداً
و للأسف مش كتير حافظة أدعية لأهل البيت عليهم السلام
و كمان مش متوفّر عندي كتبهم للدعاء
و الأدعية على الكمبيوتر بتستلزم انك لما بدك تدعي تكوني بتقرأيها و انت جالسة ع الكمبيوتر
لهيك عملت اللي حكيت لك عليه أعلاه ... بالإضافة لقراءة القرآن الكريم و إخراج صدقة
و الحمد لله سارت اموري على أحسن ما يكون

إلهي بحقّ فاطمة و أبيها و بعلها و بنيها و السرّ المستودع فيها إقضي حاج الأخت العزيزة فضة و اكتب لها النجاح

و سامحيني ع كلمة ( بهدلة ) ... بس ما عجبني لوين وصّلك توترك ... و ع كلّ انتِ متل أختي الصغيرة و لو كنتي قدامي كنت بهدلتك بعنف أكتر ...

ربنا يوفقك بحقّ الأطهار و شو ما صار ثقي بالله

طمنينا عليك

و السلام عليكم