منتديات أنا شيعـي العالمية - عرض مشاركة واحدة

ابوتكتم الخير · بتاريخ : 05-08-2012 الساعة : 10:09 AM

ياحيدر اللهُ أكبر ... رمضان وراسك يتطبر

تدعي يا رب ... وأنت مخضب

ياحيدر اللهُ أكبر

*************

صوابك صبح يوم الكدر ... وبالكدر صاير دفنك

وربك يباهي بمعجزة ... هنياله من طب حصنك

بيـدك مـفاتيـح الأمـر ... والجنـه مـوضـع أمـرك

كون وملكتـه بيمنتـك ... والسـر الأعـظـم عـندك

عندك سر الله الأعظم ... ويوم العرض إنته التتكلم

وسرك أعجب ... وأنت مخضب

ياحيدر اللهُ أكبر

******************

حيدر علي راسه إنطبر ... جبريل ينادي مفجـوع

ويحشم أملاك السمه ... وبالأرض صوته مسموع

تـهـدمـت أركـان الـهـدى ... اللهُ أكـبر ويـلـوع

ويعزي أهله وشيعتـه ... ويجـري على الخـد دمـوع

صاح بصوت الله أكبر ... حيدر حيدر حيدر حيدر

راسه تصوب ... وأنت مخضب

ياحيدر اللهُ أكبر

******************

دم الحسن عينه جرت ... وي دم أبوه ليث الغاب

و بـويه يصـيح بغـيبـتـك ... أظـلم يظـل الـمحـراب

ياحـامي جـارك عـيلتك ... عـليها مـنو يـدك الـباب

نـعـيد يتامـه وداعـتك ... حـاجيني شنهـو الأسـباب

ومحرابك أظلم يالحيد ... نعيد يتامه بهل العيد

فراكك أصعب ... وأنت مخضب

ياحيدر اللهُ أكبر

******************

وهذا الحسين بلوعته ... ينادي محمد هل اليوم

حيدر يجدي ظـلمته ... من بعدك أشـرار الكـوم

نصين صارت جبهته ... بالسيف جدي المسموم

وناده ييمه فاطمه ... دم راسه نشفي المجسوم

والزهره وحالتهه الكلفه ... بالضلع المكسور إتنشفه

ويمكن أغرب ... وأنت مخضب

ياحيدر اللهُ أكبر

********************

بياحاله كلب أم الحزن ... وتشوف أبوها مطـروح

وسيف الغدر طر هامته ... والدم على الوجه يفوح

صاحت يبويه مودعته ... والدمع عل الخد مسفوح

هـاي آنـه زينب ياعلي ... تتـركني عـدمـن وتروح

كوم وطيب من خاطرها ... ميسرك حيدر منظرها

تنعه وتنحب ... وأنت مخضب

ياحيدر اللهُ أكبر

ــــــــــــــــــــــــــــــــــــــــــــــــــ ــــــــــــــــ

اقاسم طاهر القاسمي

17 / رمضان