[** مسلمة سنية **]

اللهم صلّ على محمد و آل محمد و عجّل فرجهم و العن اعداءهم

السلام عليكم جميعاً


معؤوووول ام محمد بدها تشارك بفطورها ؟!

بصراحة ... مبارح بالصدفة فتت ع الموضوع ... و إفطاراتكم ما شاء الله روعة ... و عجبني انو كتير منكم ما بيعتبروا الأرز طبق أساسي ... طبعاً بالنسبة لزوجي فمن ضروريات الإفطار : سلطة خضراء , و شوربة خضرا , و الطبق الأساسي يكون فيه رز ... و بالعادة بيوكل السلطة و الشوربة و بيضل نص الطبق الأساسي بوجهي ... و مبارح بعد ما شفت إبداعاتكم ... ترجّيت زوجي انو ما نعمل رز ... و رضي ... و كان هاد فطورنا ...

لكننننننننن

ما حد يعلّق على جودة التصوير ... اتس سو باد ... آي نو ذات ... بس ما عندي كاميرا ... و الصور من الموبايل





طبعا التصوير كمان كان سريع قبل ما يهجموا ابني و بنتي ع الأكل ... فما لحقت أرتّب السفرة كما يجب ... شايفين إيد بنتي بتتسحب ع طرف السفرة :p ...




هاد طبق معكرونة بالرايب ... بارد و خفيف في الصيف و طعمو رهيب :







و هاد صحن دجاج قلّيتو بشوية زيت زيتون و بصل و سمّاق ... في صحن صورتو بوجود الفلاش و التاني لأ :










و هاد صحن ورق عنب ... تسخين من إفطار مبارح ...بس ما لحقتو و هو محترم ... لقيت حمودة معطي لمساتو ع الصحن :o :






و هاد صحن شوربة خضرا مع مرقة دجاج :





و آخر صورة كانت من نصيب التمر بالقشطة :






و عصيرنا المفضل في رمضان هو التمر الهندي

و التحلاية كانت كلّاج جاهز ... يعني مش شغل إيدي :rolleyes:


و بس


و السلام ختام