[فضّه]

ام (.....) .. يم (....... ) شنهو المانع وساجم ؟

وشنهو المايخلـّيكم تجون لعتبة الكاظم ؟

وشنهو الصار .. بالعبـّار ، لو مردي الدفع كاطم ؟

لو ماي اليشيل بلام جزّر والوكت ظالم ؟

اخوج اني وعلي مشروه اخلـّيه بعزم عازم

تصك محراب تقلع باب توكفلج جسر عايم

تشيلج شيل فوك كحيل ترعد تزبد تكاوم

وحك شارب ابوي الماتنازل يوم للوادم

اخلـّي المايصير يصير والما يرهم يوالم
__________________




فكتب له والحروف عاجزه تماما ...



يالقناص تاج الراس اخوي الراضع الحره

يامهيوب من تلوب كون الناصبي تقهره

توديهم وترد بيهم ماعونه اعلى راسه أيخرّه

يصفگ حيف من تمرطيف طابوگ بدربه تعثره

وللزوار گلبك صار ماعون وحدره الجمره

نسل الجود وابن الزود تغيضك دمعة السمره

يبن عمي ثگل همي مجبوره اجرع بمرّه

توصيني وتدليني على صبري فاطمة الزهره

الرحمن للانسان يبليليه بكثر صبره

والعبّار نور ونار يجبر كل كسر جبره

عساني الموت من رفعت الصوت وخليتك تجر حسره




هذا وللجميع فائق التقدير والاحترام واعتذر على ركاكة الحرف فانا مجرد هاويه لا اكثر