[لبيك]

بــاسم الكربــلائي / جليل الكربلائي


يا زماني هذا حالي

يا زماني هذا حالي شخلت بقلبي الليالي
آنة الباقر قلبي ذاب**شافت عيني شجم مصاب
************
أعرِض صور للفاجعة و اشرَح بداية عمري
و شفت المصايب و المحن و الباري هو اليدري
بدور الطفولة شاهَدِت دم أهل بيتي يجري
و اتيسَّرِت آنة و طفل هذا الحِصَل من دهري
يا هضم أقدر أقوله**شيَّبِت من الطفولة
قلبي تصوَّب جم صواب**شافت عيني شجم مصاب
************
آنة الذي بعيني شفت جدي وقع بالمصرع
و اتوجَهَت خيل العِدى علينا و شملنا توزع
بذاك الوضع و آنة طفل وين اتجه وين اطلع
و اسمعِت صرخة والدي يبني يالباقر ارجع
اركض و دمعاتي تجري**فوَّضِت للباري أمري
من هالموقف قلبي انصاب**شافت عيني شجم مصاب
************
وين أطلع أسلك يا درب خيل و زِلِم متحشدة
لوادي السلام اتوجَّهَت صرخة بدمع متحدة
و ناديت وينك يا علي يالتحضر بكل شدة
أطفالك احنا و هالدهر جار و عُبَر عن حده
نزلت أستار المصيبة حلَّت الليلة الرهيبة
من عقب اهلنا الغياب**شافت عيني شجم مصاب
************
راح النهار اللي مضى و عشنا بمرارة خوفه
و الليل اجانا و بالهضم هاليل صرنا نشوفه
لمن طلع وجه الفجر رحنا بيسر للكوفة
و اليسر حالة التميزَّت عالحَرَم ما مألوفة
بالمصايب لوعوني**من الطفولة و يسروني
من هالوضع راسي شاب**شافت عيني شجم مصاب
************
راحت مصيبة كربلاء و عشت المصايب و همه
بدور الشباب اتحيَّرِت و دنياية صارت ظلمة
اتحمَّلِت لوعة والدي و جف المصايب سمه
بيدي دفنته بحفرته و ادفَنِت قلبي يمه
هذا طبعك يا زماني**يعجز بوصفك لساني
من أفعالك ظني خاب**شافت عيني شجم مصاب
***************
عليمن أعاتب دنيتي شيفيد عتبي عليها
دنيانة أول هالجفا طبع الغدر تاليها
أنا قضيت عمري بالحزن دمعة حزن أجريها
و الروح قوس النايبة بسهم المحن راميها
كل مصايبنا الشفتها**من الطفولة اللي عشتها
أنحب لفراق الأحباب**شافت عيني شجم مصاب

جـــابر الكاظمي