[حسين الخزاعي]

اكو سالفه اريد اسولفها وبيها شاهد:
ايكولون الواوي طلع بيوم من الايام بالغابة شاف الاسد كاله انت شجاع الغابة
كاله الاسد بلي انا الشجاع واذا عندك شك جربني
كاله لا لكن ايكولون بالغابة الثانية اكو اسد اقوه منك
كاله جيبه وخليني اتماطل وياه
كاله الواوي اخاف تشرد
كاله لا والله اعطيك اي موثق ترغب بيه
كاله الواوي ما اثق بيك ........شنو رايك اربطك لمن اجيب الاسد من ذيج الغابة وتتعارك وياه كاله خوش اربطني
ربط الواوي الاسد وخلاه من الصبح الى وقت الظهر فركته الشمس فرك وطيحت حظه حيل كلش
اكتشف الاسد ان الواوي ضحك عليه بس منو يفكه هاي المشكلة
ما اطول السالفة لهناك واذا الجريذي طلع
صاح عليه الاسد هاه خويه هاه انه بشاربك خلصني
اجاه الجريذي كاله اسد الغابة منو اللي سوه بيك هاي الدكه
كال الواوي
كاله يعابيه الله وشنو تريد مني كاله انا محتاج اضروسك اكرضلي الحبل وشتريد انطيلك
كاله هينه هاي
كام الجريذي يكرض بالحبل الى ان كرضه كلش ويه ما كرضه وفك الاسد شرد الجريذي
صاح عليه الاسد يمعود تعال اريد اكرمك شتريد انطيك
كاله الجريذي الديرة اللي يشد بيها واوي واللي يحل جريذي ما اظل بيها لحظة وحده
واحنا طول عمرنا جبناها بالعراق اللي يشد واوي واللي يحل جريذي والاسود مربطة
هاه خويه عادل السالفه واضحه اظنها
اودعناكم ياغاتي