[الشاعر ياسين الوائلي]

يصوت تردده الاجيال
يرعد صاعقه وزلزال
صوت حسين **** باالكونين
يرعد صاعقه وزلزال
*****************
ياصوت الكرامه الثـــار *** واحيا بثورته الانــسان
يازود الطفح باالطـــف *** تفجر للآبــــه بركــــــان
الك صرخه يبو الاحـرار*** صـــارت للمجد عنــوان
دامت نهضتك للـــــــدوم
ثوره على الظلم كل يوم
آثيرك صار *********** يبو الثوار
يرعد صاعقه وزلزال
********************
صوتك من هتف يحسيـــن *** لـــصروح الكفر هدها
وحًقك من كلت هيهـــــات *** عروش تهاوت بحدها
وآبيت بكل عزم يحسين *** ايدك للـــــــــــــظلم مدها
صرت منهاج يامنصور
على مد الزمن وعصور
خلودك دام ************* باالايام
يرعد صاعقه وزلزال
**********************
حي وباالضمير تعيش *** للـــحر اصبحت قاموس
مدرسة المجد يحسين *** من عندك عبر ودروس
وعبير البيك يامــولاي *** بـــــيه اطيب كل انفوس
وبدمك يسور الدين
خطيت المجد يحسين
بدمه نحرك ************* صدى نصرك
يرعد صاعقه وزلزال
*****************
الك سيف اللمع باالحق *** يـحسين وغده يسطع
رجح من قبضت جفوفك *** ولبتوت الظلــــم كطع
وريتـــه مهندك منهــــم *** وكَلبك ضـــــامي مكطع
عدوك ياامير الحــك
منايه بصبرك تنشك
دون الحد ************** صوتك صد
يرعد صاعقه وزلزال
*****************
يدستور العـــــــدل صبرك *** ذلل كل صعب النـــه
ندوس عله المنايه بزود *** زود البيــــــك علــمنه
يـــادرس العقيده الصار *** جيل لجيـــــل مفــــخرنه
تمسكنه بعقيده وياك
وتدرعنه بآبه مسراك
بدروب الموت ************** رفعنه الصوت
يرعد صاعقه وزلزال
***************
يلعاشــــــــك ألـــه الكون *** لمحــــد عشك مثـــلك
ومحد ضحى باالضحيت *** لابـــــعــــدك ولاكبـــلك
يلوك النه العشك يحسين *** من نعشك لعد شخصك
تربى انفوسنه بحبك
تضل معانكه لدربــك
عهد باالدم ************** الك نختم
يرعد صاعقه وزلزال
##############################
خادم الحسين
الشاعر
ياسين الوائلي