[الشاعر ياسين الوائلي]

فاضت باألدمع عبره ** حمامه وكصدت الحضره
تطوف عللضريح تحوم ** تنوح الكاظم المسموم
فاضت باألدمع عبره
******************
اعتنت باب الحوائج كاصده الزوار
مكسوره الخواطر والدمع مــــدرار
تنوح عللخلص عمره بسجن محتار
غريب وغربة المسجون جمرة نـــار
جمرة موسى ابن جعفر ** بينه موجره وتسعر
ماتطفي على المظلوم ** تنوح الكاظم المسموم
فاضت باألدمع عبره
****************
كصدنه اعليك زوارك اجينه اصفوف
ولكينه بحضرتك حامي الدخيل يطوف
شفنه وياه ابو فاضل بلايه جــــــفوف
ويـــه حسين متعني بكلـــــب ملــهوف
شفنه الهادي والعتره ** الزجيه وياهم الزهره
ونت والظلع مهشوم ** تنوح الكاظم المسموم
فاضت باالدمع عبره
*****************
يانــــور الجلاله الواضح ابـــــــدرك
طواغيت الضلاله مارعوا قـــــــدرك
من سجن لسجن ياابو الرضا عمرك
خلص والغيض منهم كاظمه بصدرك
ومثل جبد الحسن جدك ** بسمهم كطعوا جبدك
ويتامك جرح ملجوم ** تنوح الكاظم المسموم
فاضت باألدمع عبره
******************
يـبو الجــواد عليك شمرت الشــده
مـــامثلك نـــبي بهــــايه ونعــــــده
يوسف والنبي يونس كضوا مــــده
وانت اكضيت عمرك باالسجن حـده
ياسابع بدر باالكون ** كضه نحبه بسجن هارون
قيوده عيون تجري دموم ** تنوح الكاظم المسموم
فاضت باالدمع عبره
***************
يمن صبرك عجز منه صبر ايوب
ولاحزنك حزن مثله حزن يعقوب
يضل كلب المحب ينزف ومصيوب
مايبره وحــكك باالمصاب يـــــذوب
يضل حزنك جرح يدي ** نزيف لطلعت المهدي
يشكيله حزن وهموم ** تنوح الكاظم المسموم
فاضت باالدمع عبره
#############################
خادم اهل البيت
الشاعر
ياسين الوائلي ( كربلاء)