[فرات ونيل]

اعوذ بالله من الشيطان الرجيم
بسم الله اللطيف الودود
السلام عليكم
نشكر تعليقاتكم وحسن كلماتكم وطيب خاطركم ونهدي لكم قصيد ة للشاعر جبار البطاط وهي منشورة في منتدى ((دستور العشق)) قصيدة في الوفاء بحب فاطمة الزهراء (ع) وانا اعتبارها علاج لتاديب النفس عند اغترارها بالحياة
وعند الحاجة لوسيلة للدعاء لله بجاه فاطمة الزهراء ((ع))

جبنه شمعات النذر بيدينه


عدنه عاده .. أنخلي شمعه اعله الكبر يفاطمه


عدنه عاده .. ومته أنوفي هالنذر يفــــــــاطمه


وينه كبــرج مختفي دلينه


جبنه شمعات النذر بيدينه


ــــــــــــــــــــــــــــــــــــــ


على درب الحزن وبليـــله موكمره


كل شيعي تلاكه بشيعي يازهره


واحد كل للاخر بالكلب حسره


مته انزور الكبر ونعاين الحضره


كل موالي .. أجه وشـــــــــــايل شمعته يفاطمه


كل موالي ..وين كبرج صرخته يفاطمه


بصوت واحد وبألم نادينه


جبنه شمعات النذربيدينه


...........


بس صوت الدمــع من يهمل انسمعه


وتعاتب مرقدج بالعين كل دمعه


وياشمــــــــــعه النوجهه تنطفي شمعه


ونلكاه الكبر واعيونه اتضيعه


شلون ليله ..لانجم بيهى وكمر يفاطمه


شلون ليله ..وصعبه نلكالج أثريفاطمه


هاي ليلة فركتج حسينه


وجبنه شمعات النذر بيدينه


..............


علي الليله فاطم عالخلك ضمهه


للهـــــادي خــــذاهـــه وبيده سلمهه


وبجه الزينب المفجوعه وتريد أمهه


يتيمه واليتيــــمه منهو يرحـمهه


شلون تخمد ..ابكلبي نارج تستعر يفاطمه


شلون تخمد.. يتمــــــــــوني من الزغر يفاطمه


والحسن يبجي ويواسي احسينه


وجبنه شمعات النذر بيدينه


..............


ابـــلا دعــــــــوه أجينه وجن تواعدنه


وبدروب المدينه أمشينه وكعدنه


وننشد عالكبر ودموعنه ابخدنه


ولوننخى علي نــــدري يساعدنه


ومن نندبه ..علي لامــــــــــــايعتذر يفاطمه


ومن نندبه .. كلبه لاجن ينعصر يفاطمه


ومانريد انكدره والينه


جبنه شمعات النذر بيدينه


..............


ألج صح بالكلب يم الحسن مرقد


بس ذاب الشـــــمع ونخــاف لايخمد


كلمن بيده شمعه ابناره تتوكد


وكبرج وين صحنه ولاجواب الرد


وين صرتي ..بالســــــمه لو بالارض يفاطمه


وين صرتي .. زيارتج واجب فرض يفاطمه


نريد منج نظره بس اعلينه


جبنه شمعات النذر بيدينه


..........


بعد مات الصبر ونتي تشوفينه


جبنه الدرب نبجي حني اعلينه


كبرج وين يام الحسن دلينه


مكسورين خاطر لاتخلينه


كل مسيه ..نسئل انجوم الحزن يفاطمه


كل مسيه ..لمرقدج احنه نحن يفاطمه


وحاشا ياأم الوفه اتركينه


جبنه شمعات النذر بيدينه


..........


...


جبار البطاط