[منذر الساعدي]

جَرب مره
----------اتوسل بالله
--------------------ابحق الزهره


تتعنى اجروحك مَلجومه
تسأل رَبك بالمهضومه
دعوة مظلوم المظلومه
إتخَلص كلبك من اهمومه
بأم العتره
--------هاي الزهره
-------------------اتوسل بالله
جرب مره

--------

ارفع ايدك طَهر كلبك
بحق الزهره وادعي الربك
شوف اشلون ايخضر دَربك
بالأفراح إوثمرة حُبك
ابهاي الحره
-----------اتوسل بالله
----------------------جرب مره
ابحق الزهره


------------


شوف اشلون اتصير أيامك
وتتحَقق كل هاي احلامك!
ابجاه الزهره اتروح االأمك
إوتلكه التتمناه كدامك!!
جرب مره
----------اتوسل بالله
-------------------ابحق الزهره

-------

جَرب مره ِوصفي النيه
ابجاه الحوريه الأنسيه
هيه ا لتتشفَعلك هيه
بالمحشر وبهاي الدنيه
بأول نظره
----------ابحق الزهره
--------------------اتوسل بالله
جرب مره

---------

اتعنه ابهَمك للمحراب!!!
صب دمعة الرب الأرباب
اتوسل لو عندك غياب
بالضلع إومسمار الباب
وابجي ابعبرة
------------اتوسل بالله
----------------------ابحق الزهره



حسين الساعدي

راق لي