[المسامح]

السلام عليكم
حياكم الله اختنا عطر الجنان والف تحية لكم
وعذرا على التأخر فالرد حقكم علينا

اقتباس :

خلاص بسال اسئله من مخيخي

ايوا احسن شي تسويه

اقتباس :

اوصف الينا شخصيتك ..?!

السؤال صعب واتوقع ان ما يحق لي اوصف شخصيتي
والافضل الناس توصف شخصيتي مو انا
لان بالراحة اقدر اكذب واقول شخصيتي ذكر وعبقري
ورومنسي وطيب وخلوق والناس تحبني ووو ... الخ
ويمكن ما فيني ولا خصلة من الخصال الي ذكرتها
لكن مثل ما يقولون اسلك لنفسي :cool:
لكن اقدر اذكر بعض السليبات الي الان احاول اعدلها في شخصيتي
منها العصبية وكوني بليد جداا وملول جدا جدا
ويمكن أكول بس مو جدا :p
وبعض الاحيان تضرب عندي اصير استعبط وسامج شوي
يعني على قولتنا ما انبلع وبس هذا الي اقدر قوله >>واثق من حاله

اقتباس :

وش هم البلدان الإ سافرت اليهم ..?! ومتى آخر مرة سافرت ..?!

بصراحة انا لست من عشاق الاسفار والتجوال ولا احب الازدحام
احب المكان الهادئ الغير مزدحم واخر مرة سافرت سفرة خارج المملكة
ممكن وانا في الابتدائية رحت سوريا الله ينصرهم على اعدائهم

اقتباس :

في اي مجال شغلك ..?!

اشتغل الان في مجال صيانة اجهزة الانذار للحريق
الله يبعد عنا وعنكم الحرائق

اقتباس :

اكثثثر شي تدخله اليه في عالم الانترنت ..?!

منتديات انا شيعي العالمية والمنتديات الحوارية بشكل عام

اقتباس :

اكثر مكان تحب تروح اليه ..?!

طبعا ما راح اطلع فيها واقول احب اروح للبحر واتأمل غروب الشمس
ومدري شنو وحتى اكون صريح احب اجلس في غرفتي بدون ازعاج
واحب اروح للدوانية الي يجتمعو فيها اصحابي>>الصراحة راحة :cool:

اقتباس :

قسمك المفضل في المنتدى ..??

قسم الحوار العقائدي

اقتباس :

سبب اختيارك مشرف على قسم اهل البيت عليهم السلام ..?!

حتى اكون صريح انا الي قطيت وجهي على النجف الاشرف وقلت له يخليني مشرف على هالقسم >>>> جريئ الولد
اخر فترة هالقسم كان خامل فحبيت ان ارجع له النشاط والحيوية
وفي نفس الوقت اكتب فيها بعض البحوث عن اهل البيت ع وانشرها
والتزم بشي مفيد يملئ وقت فراغي يعني نضرب اكثر من عصقور بحجر

اقتباس :

مخي قفل الحين هع

هذا مقفل وكل هالاسئلة لو مو مقفل شبتسوين هههههه
اتوقع بعطيني اسئلة امتحان الرياضيات مال ثالث ثانوي
شكرا على الاسئلة واي اسئلة حاضرين للطيبين
تحياتي لكم والسلام عليكم