[*أحمد الكعبي*]

خضره روحي وأرد أنشفهه بسماي
لوجه ربي أعله الحبل شريتهه
ربي مو أنته الگلت عبدي بحماي
أحميني من النفس ما گدريتهه.
روحي أسيره بين عقلي ونفسي هاي
وبطريقك ربي من مشيتهه
وسحل جايبهه يرب تسحل وراي
وتهمل بدمع الندم خليتهه.
نفسي أماره وعكس كل مشتهاي
وآنه بثبات الخجل شديتهه
أنغوت روحي وطاحت بعالم هواي
مثل مهره وللعشگ هديتهه..
ربي وحده يمتلكله أبروحي بيت
وآنه أحس أبروحي هجمت بيتهه
من شفت روحي تلوذ أبمستحاي
گمت ليهه من الرسن رديتهه...