[ابو ياسر الكعبي]

تركلك هو خنجر بين الضلوع
بس انه اتركتلك حلم وردي
وعافك جفن تبجي اعليه الدموع
وصرت ناعور إلك اترس وابدّي
أخذ وصله ومشه وطفّاها الشموع
إلك ماتدري بيها , أسرار عندي !!

ترتـّلني الخفايا بصوت مسموع
واغمض جفن عيني بثوب ودّي
أضحك من جذب بس آنه مفجوع
أسامح .. واصطبر ..واسكت ,أعدّي
دشككني ورق واحركني مطبوع
ماعاد العتاب اوياك يجدي
يا آخر جرح من كلبي مكطوع
دفنته واندفن ويّاه وجدي
خلّه بعيد طيفك لايمرلي
أنه الماعفت كل شي !! إنت العفتلي