[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

إبوذيات في يوم فاطمه عليها السلام
ــــــــــــــــــــــــــــــــــــــــــــــــ
أيّامه مُظلمَه إو ما أمَرْهــــــا
أبو الحسنيين من نفذ أمُرها
دفنها إبليل وأخفه كل أمُرها
ويّاها إندفن سرها الزچيــــّه
ـــــــــــ
ما أدري دِمَه السيّال يوماي
بعد زهرة محمد ليل يوماي
خيال الطاهره للعين يوماي
يُمر كل حين وإيعيد الرزيّــه
ـــــــــــ
ذنوبي إكثار ما أگدر أجُرْهــــــا
بالمحشر أطالبها إب ( أجُرها )
حسراتي إلعلى حبها أجُرْهـــا
بلياليها الحزينه الفاطميّـــــــه
ـــــــــ
هِدَه للحق محمد كل بشرها
والأمه البغت ظهرت بشَرهـــا
نكرت فاطمه لكن بَشّرهــــــا
تلحگــــه الشفيعه الهاشميّه
ـــــــــ
بين الباب والحايط عُصرهــــــا
شكت لله ظلم طاغي عَصُرْها
ما ظلت لحد ذاك عَصُرْهـــــــا
غزتها آلام بت سيد البريّــــــه
ــــــــــــــــــــــــــــــــــــــــــــــــــ ــــــــــ
مع تحيات شاعر اهل البيت / جابر النجفي
إسمعوا الأبوذيات على هذا الرابط
http://www.wlidk.net/dldxqd94956.mp3.html