[منذر الساعدي]

مو صوج الاسلام!!
حسين الساعدي


فَرغ ذكرياتك من الأحزان
حط بيها فرح لو من الاوهام

لو تكضي العمر بالليل سَهران
إتخايل اعيونك كاعده اتنام!

جيب الضحكه كوه اشلون ماجان
وامسح دمعتك بجفوف اِلالام!

اِخذ مني النصيحه هاي يفلان
ابوجهك لا تِبيين جور الايام!

كُونك تشتكي للناس خَسران
يا رحمه التِضَل ابقطع الأرحام!

زمانك لا تأمنه وتدري خَوان!!
ترى بيدك تحط روحك بإلاعدام!

بعد ضاع العدل بس عدنه ميزان
عَلَمناه يغش وإهوايه الافلام!!

وَلتعاتب وَطن لَتلوم الأوطان
مِثلك هالوطن سابينه ظِلام!

تلكه انسان بس ما عنده وِجدان!
بأملاكَه يِهم وبكلشي ما هاام!

ولا تستغرب إمن اتشوف جوعان
يبيع اهدومه حتى ايوَكل اأيتام

وإذا بالمسلمين اتشوف شِيطان
صوج الناس أبد مو صوج الاسلام


الشاعر حسين الساعدي


منقوول