[آمال يوسف]

هل تعرفني؟؟؟
........
ياعباس اجيت بچفي جبت ورود
انت الماعفتني واني ماعفتك

اجيتك من بعيد وبالگلب اشواگ
اليه سنين ياضي عيني ماشفتك

احتاريت بهديتك والله ياعباس
أگولن ياهديه التوفي منزلتك

من گبرك اليه انهض يراعي الجود
اريد اشتم عبير زهور عاطفتك

اني استاهل الملگه اعله حيلك گوم
اسولف بيك عمري وچلمتي ابختك

ما ادري اعرفتني ياگمر لولا؟
انه الغالية و ام الخدر اختك

زينب انه زينب مانسيتك يوم
وماتنساني ياعباس عارفتك
...
ابارك لمولاتي زينب ( عليها السلام)
ولادة كفيلها قمر بني هاشم ( عليه السلام)
جعلنا الله واياكم من خدمتهم المقبولين والمخلصين
خادمكم
كرار حسين الكربلائي
( ابو كميل)