[منذر الساعدي]

اعرف وزن نفسك !!!
حسين الساعدي

قبل لا تكتب الأشعار يفلان!!

اعرف وزن نفسك قبل الأوزان



وإحساسك يحس باللي يعانون

مو تركض تمجد ياهو الجان!



والشاعر رسول ابوحيه مَجنون

يرد عاقل إذا ويه الشعر خان!



لا تنتظر صَفكه إمنليصفكون

أريدنك تحس بالصفكه وِجدان



جَم شاعر ابشاعر هسه مَدفون

واشعاره البقت ماطمهه دفان



اكتب عالحياة ابشكل مَضمون

إكتب للفرح واكتب للاحزان



ومو كل الكتابة اتسر العيون

ولا كثرتهه للابداع عنوان



يِصح ديوان لا صوره ولا لون

وتصح ومضه قصيره إوتسوه ديوان



صَحيح أكتب شعر ويه اليكتبون

بس كلمة الشاعر الهه مِيزان



وأكفر بالشعر واللي يقَيمون

إذا ساووني مره ابسعر عَريان

الشاعر حسين الساعدي

راق لي