عرض مشاركة واحدة

عبدالله خلف العتابي
عضو برونزي
رقم العضوية : 75436
الإنتساب : Oct 2012
المشاركات : 831
بمعدل : 0.20 يوميا

عبدالله خلف العتابي غير متصل

 عرض البوم صور عبدالله خلف العتابي

  مشاركة رقم : 1  
المنتدى : المنتدى الثقافي
Waz20 قصيدة(ذيج القاروره بيها الخبر قران)
قديم بتاريخ : 16-10-2013 الساعة : 09:32 PM


لفاني الحزن من غاب عنّي حسين
وصارت حمره دم ومطرت سمانه

خبر محزن وبيه تتهدم اكلوب
من السان ناعي وطارش لفانه

والطارش من كربله وهدم الحيل
لفاطم حسين هم وهاي نيرانه

عفت حسين مذبوح ويمج دليل
وبيه للدين اكثّر من امانه

من اتراب طاهر اعليه مكتوب
لو مات حسين تتغير الوانه

يمّي ومنّه ما اشبع من الشوف
حسين غاب عنّي وانظر لتربانه

ذيج القاروره بيها الخبر قران
وعالتراب تربي اعيون وليانه

صير الحكم ياهو البيه مكتوب
من تنشدني اكّول النحر قرانه

والمخبّر لفاني وهلّت العين
وبهاي الدموع والدار حزنانه

على السانه الخبر والخبر بان
حزن كبل ما يحجي وينطق السانه

وشفت القاروره فارت ودم سال
على حسين الراح والهم لفانه

اتراب ابيض وبي الخبر موجود
اعليه النّبي ناح وناحت سمانه

نور التراب يعكس والنحر نور
ونور الخدغيّب شمس دنيانه

ينشدني المخبّر غايته يريد
يستفسر الحال وبالهم لكانه

كتله شحال من امفارك عضيد
حرمني النوم تدري وخالي مجانه

كلما كلت وصلت صارت ابعيد
منيتي واريد اليوم ادخل جنانه

هم سامع ينام بلّيل وجعان
والالم يسعر وزادت احزانه

++++بقلمي++++
خادم اهل البيت(ع)
عبدالله العتابي


من مواضيع : عبدالله خلف العتابي 0 قصيدة(غريبه وطاح حملي وضاعت احلامي)
0 ابوذيات استشهاد الشيخ المجاهد نمر باقر النمر
0 قصيدة ( حبك دلانه اعله الخالق ) ( عكيلي )
0 قصيدة(يالورثت المرتضى وشايل خصاله)
0 ابوذيات(يموسى ياجبل والباري سمّاك)
رد مع اقتباس