[عدنان منعم]

اليوم اسوي الواقعه – اليوم اسوي القارعه
انه الاكبر – انه الاكبر
انه باذن الله اصــــول واكلــــــب الحومه كلب
وي حليب امه ارضـعتها ولعــــبتي هيه الحرب
اتوسط الميدان الاكبر وللحـــــــرب ياهو اليطب
اكلب الحومه كلب – للخيم منهو اليطب - انه الاكبر – انه الاكبر
ياالاله الكون بسمــــــــــــــك ابدي واعلن هالنفير
والله اخلي الجـــــــــيش كله منين مايشرد يحير
علي اسمي وعلي جدي وسيفي يرسم هالمصير
والدي حسين الامير- وجدي عنوان الضمير- انه الاكبر – انه الاكبر
مثل ماجدي الصــــــــميده حصن خيبر هدمه
انه ابنه وسيفي بيدي اليوم اسوي الــــحاطمه
راح اخلي اجيال تحجي بالطفوف الملــحمه
افني جيش اهل الكفر- وعمي عباس الكمر- انه الاكبر – انه الاكبر
معلم انه اعلى المراجل زودي من زود الكمر
المراجل منه بينـــــــــه ونلوي اعنان الدهر
وعدنه بيرغ الشــــهامه والدليل اعلى النهر
عالنهر رافع علم – عمي عباس الشهم- انه الاكبر – انه الاكبر


اتوسط الميدان الاكبر صــوته لئن يرعد رعد
انه ابن بيـــــــــــت الرساله ابد مااخلف وعد
دون ابو السجاد دمي والدي حــــــسين الضمد
افدي دمي الوالدي – وبالقيامه موعدي انه الاكبر – انه الاكبر
عمه يازينب اسمعي ركبتـــــي ترخص تره
فدوه عمري يالحبيبه وماشــــــــــــوفج حايره
افني كل هاي العساجر والجـــــــيوش الغابره
اليوم ازلزل كربله- انه ابن عقد الوله - انه الاكبر – انه الاكبر

خادم الحسين – عدنان منعم