[ابو ياسر الكعبي]

الحايط الي علن
حرب الجرح والصبر
"
الصبر كلّه صَبُر.....
علكم سكاني إبقَدَح
طارَدني طول العمر.....
مايدري طارَد شَبَح
ولـمّن عِـلنت الحرب.....
الحايط الّي رِجـح
والجرح كلّه ثَغر.....
ماضاك عمره الفرح
ومن يبتسم للحزن .....
مو معنى خلّص صبر!
للوجع صدره إنشرح
معناها خضّر جرح.....
والدم جديد إنسفح
من يـِحس عندك وجع.....
كبل الوجع ينجرح
قدّيس نزف الجرح
ماينكطع بالأمل .....
بس ينكطع بالملح
والجرح مثل الورد.....
من ينلجم ينفتح
بَلَّل ضلوعه النِده .....
بنص ليل كبل الصُبح
بس مو نِده امن الورد.....
هذا النِده من الذبِح
"
للحاضرين في القلب الغائبين عن العين ألف تحية وسلام
وللعائدين بعد انقطاع مثلها ويزيد