[مصحح المسار]

قصيدة (( حرامي الـگوم علــــگ لافـتة))
مع العذر لمن يعبد الأصنام ويعصــــم غير
المعصوم ... فالرسول وعترته وعلي ودولته
والعراق وتربته ... أغلى من كرسي سلطة
دين عظامية أو سياسة حزب فاسد ...
** (( حرامي الـگوم علــــگ لافـتة)) **
حرامي الـگــوم علـــگ لافــتة
مداس الـگاع صيــــفة ولاشتة
الحمـــاية هــواي راتب دولــتة
الفداهة بزود جيـــــش وطـبتة
يزيح اصدام أمـــــــرك وجــنتة
حرامي الـگــوم علـــگ لافــتة
بسعـــــركسب الفقير الــگمتة
بسعر بيـــع الديانة وعِــــــمتة
بسعر خــــــاين أمـــانة وذمتة
بسعر حـني الذلـــيل لرگـــبتة
حرامي الكـــوم عـــلـگ لافــتة
علاج امراض دفـــتر حـــــــصتة
قِطع يخــــتات حِجّة وعـمـــرتة
سِلف وامــــــلاك لابنة وشلتة
عفــــو وتكريم ربــــعة ولــمتة
حرامي الـگــوم علـــگ لافــتة
انتخاب يريد صــــبّغ گـــصـــتة
قنــــاع احــــبار صدگ جذيــتة
العكس لو صـــارحضّرجنــــطتة
وجواز اسفار صوگـر بصْـــــمتة
حرامـــي الـگـوم علـگ لافــتة
البعير يشــــوف يـگــدر حدبـتة
الوزير يبوگ حــــزبة وسلطــتة
وانة المعصـــــوم أكشف لعبتة
زعـــــيم الدين أعـــــلم حِجتة
حرامـــي الـگـوم علـگ لافــتة
بعـــلي الكرار يحــلف لافـَــــتة
قسيم اجــــــنان طـلـگ دنيـتة
رگــــــــــع للثوب يختم خـبـزتة
علةدرب المنافق يخسة ؛بحضـرتة
حرامـــي الـگـوم علـگ لافـــــتة
شكــــــــرْ لله ربــــــة بتقــــوتة
يساوي النــــاس كلــهة بعطوتة
تِرفـــعْ روح واغفـــــــل ميــــزتة
تِواضــعْ ذات واكــــــــبر هـــمتة
حرامي الـگــــــوم علـگ لافــتة