[الشاعر سعيد الفتلاوي]

هوسات بمناسبة مولد السيدة
زينب الكبرى عليها الصلاة والسلام
........................................
.............................

صعب مثلچ تجيب الامهات

لان امّچ بتول الزاكيات

يزينب يا مثال الطيبات

سِرّچ عند الباري يابت طه والكرار

................

هلا بْنورچ يبت حيدر واخت عباس

تظل گبتچ تشع غصبن عله الارجاس

لان بامر الاله الگبه ماتنجاس

ارواح الگبتچ نفديها

.................

نهني الطاهره والهاشميين

الحسن وحسين والتسعه الميامين

بْولادة زينب وْ خير النساوين

عالعالّم بيها اتباهينه

...................

ضِوه وْ نوّر جمادي بْمولد الحوراء

تهاني الحيدره والطاهره الزهراء

اسم زينب يظل من اجمل الاسماء

للمهدي اليوم مْهنينه

........................................
........................................

خادم اهل البيت ( ع )
الشاعر الحسيني
سعيد الفتلاوي الطويرجاوي